Kirtan

Begleitet wird der Kirtan gsanglich und am Harmonium vo de Andrea Mathis, am Cello vo de Valentina Velkova und a de Drums vom Mättu Müller.

PROGRAMM:

Immer 20-30 Minute wird eis oder mehreri Mantras gsunge. Danach wird ungefähr über de glich Ziitruum meditiert. De Vorgang wird 2-3 mal wiederholt.
✨ S Einzigartige am Kirtan isch, dass wemmer d Mantras singt, sich de Verstand völlig uf d Melodie und uf das Mantra konzentriert wo mer grad widergit. Das füert zunere immer grössere Konzentration und Stilli ide daruffolgende Meditation, au ohni sich druf z achte. ✨🕉
D Mantras wo usem ursprüngliche Sanskrit chömed, entfaltet ihri subtili Würkig über s Nerve- und Energiesystem vom Körper.

Mir werdet es Buffet organisiere, wo mer sich vor oder au nachher, falls mer no gmüetlich wett im Bürgli verwiile, cha verpflege. Au die wo direkt vom schaffe chömed werdet det öppis zur Stärkig finde. Türöffnig isch am 18:00 und offiziell gaht de Kirtan vom 19:00 – 21:00. Da es aber en Fritig isch, dörf mer de Abig au no bis chli spöter usklinge lah. De Kirtan findet uf freiwilliger Spendebasis statt und ahmelde müend ihr eu offiziell nöd. Wenner aber scho wüssed, daser wend debii sii, simmer au nöd unglücklich über es churzes WhatsApp😉 Fallser öpper känned, wo au Freud het amene Kirtan, dörfeder diejenige gern mitbringe.

Herzlich
Tamara, Patrick & Fabian